Mediat italiane raportojnë që babai i Neymarit, Neymar Santos Senior do të takohet me drejtorin sportiv të Juventusit, Fabio Paratici në Torino.
Lidhjet befasuese mes Neymarit dhe Juventusit filluan të shfaqen të mërkurën në mëngjes, kur gazeta Mundo Deportivo pretendoi se ylli i Paris Saint-Germainit kishte nxjerrë në pah Bianconerët si një destinacion tjetër i mundshëm .
Gazetari i mediumit Rai Sport, Paolo Paganini ka raportuar tashmë që një takim do të zhvillohet mes Neymar Sr dhe Paratici, edhe pse ai thekson se tani është vetëm “eksplorues” në këtë fazë.
27-vjeçari u bë lojtari më i shtrenjtë në botë kur u bashkua me PSG-në nga Barcelona në verën e vitit 2017 për 222 milionë euro, por që nga transferimi gjithmonë është lidhur me largim.
Neymar së bashku me babanë e tij (Foto: Denis Doyle/Getty Images/Guliver)
Ai ka shënuar 51 gola në 58 ndeshje për gjigantët francezë, duke fituar dy tituj të Ligue 1, por koha e tij në klub është lënë në hije nga lëndimet dhe shkëlqimi i Kylian Mbappe.
Braziliani tani dëshiron të largohet nga klubi, me një kthim në Barcelonë që është më së shumti duke u diskutuar, megjithatë ka shumë vështirësi të ndodh ky transferim. /Telegrafi/
Maqedonci takon ministrin britanik të Mbrojtjes në Turqi, fl...
Rama në Kongresin Botëror të Ligjit: Integrimi në BE çelësi ...
Nisin punimet për rindërtimin e rrugës Kijevë-Malishevë
Publikohet letra e pretenduar e vetëvrasjes së Jeffrey Epste...
Dogana e Kosovës zbulon faturë të dyfishtë në Vërmicë, dyshi...
Jeta Statovci i bashkohet Osmanit në zgjedhjet e 7 qershorit...
📱 Shkarkoni Aplikacionin Arbresh.info për lajmet dhe përditësimet më të fundit!
Skip to content
